કેરીનો મુરબ્બો - ટૂંક સમયમાં

Saturday 12 May 2012

કેસર કેરીનું ખાટુ અથાણું

તૈયારી માટે સમય – ૪ દિવસ | જાળવણી – ૧ વર્ષ માટે

સામગ્રી: -
કેરી (કેસર કે દેશી) ૫ કિ.
હળદર ૩ ટેબલ સ્પૂન
હિંગ ૧ ટેબલ સ્પૂન
ચટણી ૧૦૦ ગ્રામ
આમલી ૧૦૦ ગ્રામ
નમક ૧૦૦ ગ્રામ
રાઈના કુરિયા ૨૫૦ ગ્રામ
વરિયાળી ૧૫૦ ગ્રામ
તજ ૨૫ ગ્રામ
લવિંગ ૨૫ ગ્રામ
તીખા ૨૫ ગ્રામ
ઇલાઇચી ૨૫ ગ્રામ
સિંગ તેલ ૬૦૦ ગ્રામ


બનાવવાની રીત: -

દિવસ – ૧:
  • સ્ટેપ-૧: કેરીને ધોઈ ઈચ્છા મુજબના ટુકડા કરો અને તેમાં ૧ ટેબલ સ્પૂન હળદર અને ૫૦ ગ્રામ નમક ઉમેરી કેરી સાથે બરાબર હલાવીને મિક્સ કરો અને બરણી માં ભરી લો.
દિવસ – ૨:
  • સ્ટેપ-૨: બીજા દિવસે, થોડા થોડા કલાકોના અંતરે બરણીમાં રહેલ કેરી અને મિશ્રણને હલાવતા રહો જેથી હળદર-નમક યોગ્ય રીતે મિક્સ થઈ જાય. આમ, કેરીના ટુકડાને બે રાત સુધી બરણીમાં રેહવા દો.
     દિવસ – 3:
  • સ્ટેપ-૩: કેરીના ટુકડા પીળા થઈ જાય પછી સાફ કપડાં પર પંખા નીચે સુકાવા દો. (પાણી સુકાઈ જાય ત્યાં સુધી.)


        અથાણાં માટે મસાલો બનાવવા ની રીત: -

  • સ્ટેપ-૪: મસાલો તૈયાર કરવાના બે કલાક પેહલા એક ગ્લાસ ઠંડા પાણીમાં આમલીને પલાળી પલ્પ નીકળી લો.
  • સ્ટેપ-૫: એક વાસણમાં રાઈના કુરિયા, કરકરી પીસેલી વરિયાળી, પીસેલો ગરમ મસાલો, ચટણી, હળદર અને એક ટેબલ સ્પૂન નમક અને આમલીનો પલ્પ ઉમેરો.
  • સ્ટેપ-૬: મસાલાના મિશ્રણમાં ૧૦૦ ગ્રામ તેલ ઉમેરી મિશ્રણને યોગ્ય રીતે મિક્સ કરો, અને એક રાત સુધી ઢાંકીને રાખી દો.


    દિવસ – ૪:
    • સ્ટેપ-૭: અથાણાં માટે તૈયાર કરેલ મસાલાને એક મોટા વાસણમાં લો અને તેમાં હિંગ ઉમેરી ૫૦૦ ગ્રામ તેલ ગરમ કરીને રેડો. મિશ્રણને યોગ્ય રીતે મિક્સ કરો.
    • સ્ટેપ-૮: મસાલો ઠંડો થયા પછી, સુકાવેલ કેરીનાં ટુકડાને મસાલામાં ઉમેરી યોગ્ય રીતે મિક્સ કરો (જેને અથાણાંને આથવું પણ કેહવામાં આવે છે.)
    • સ્ટેપ-૯: અથાણાં ને કાચની પેક બરણીમાં ભરી લો.


          નોંધ: -
      • કેસર કેરી ઉપલબ્ધ ના હોય તો કોઈ પણ ખાટી કેરી લઈ શકાઈ છે.
      • ગોળ કેરીનું અથાણું બનાવવા માટે સ્ટેપ-૭ માંના મસાલામાં ૧૫૦ ગ્રામ ગોળ ઉમેરીને તેના પર ગરમ કરેલું તેલ રેડો અને મિશ્રણ ને મિક્સ કરો અને સ્ટેપ-૮ મુજબ આગળ વધો. 

      Wednesday 14 March 2012

      વેજ ફ્રાઇડ રાઇસ – ચાઇનીઝ રેસિપિ


      તૈયારી માટે સમય 15 મિનિટ | કૂકિંગ માટે સમય – 20 મિનિટ | સર્વિંગ્સ – 2 વ્યક્તિ માટે


      વેજ ફ્રાઇડ રાઇસ - ચાઇનીઝ રેસીપી
      સામગ્રી:-
      તેલ ૧૦૦ ગ્રામ
      લસણની પેસ્ટ ટી સ્પૂન 
      આદુની પેસ્ટ ટી સ્પૂન
      લીલી સમારેલી ડુંગળી  ૨૫૦ ગ્રામ 
      કોબી  ૨૫૦ ગ્રામ  
      ગાજરના ટુકડા ૧૦૦ ગ્રામ
      લીલા વટાણા  ૧૫૦ ગ્રામ  
      લીલા સમારેલા મરચાથી  
      લીલા સમરેલા ધાણા  ટેબલ સ્પૂન  
      સોયા સૉસ  ટી સ્પૂન  
      સરકો ટી સ્પૂન  
      ચિલ્લી સૉસ ટેબલ સ્પૂન   
      બાફેલા ચોખા કપ 
      નમક સ્વાદ અનુસાર
      અજીનોમોટો ૧/૪ ટી સ્પૂન
      બાદીયા, તજ, લવિંગ, તીખા, તેજ પત્તા-વઘાર માટે

      રીત:-

      ૧. ૨ કપ બાસમતી ચોખાને બાફી લો.

      ૨. કડાઈ માં ૧૦૦ ગ્રામ તેલ ઉમેરો, તેલ ગરમ થઈ ગયા પછી લસણ-આદુની પેસ્ટને સાતળો.

      ૩. લીલી સમારેલી ડુંગળી
      , સમારેલા મરચા , 
      વટાણા, ગાજર, કોબી ઉમેરો અને નરમ થઈ ત્યાં સુધી પકાવો.

      ૪. સોયા સૉસ, ચિલ્લી સૉસ, સરકો, અજીનોમોટો અને નમક ઉમેરી મિશ્રણને સારી રીતે મિક્ષ કરો અને પછી ચોખા ઉમેરો. ચોખા અને શાકભાજી સારી રીતે ભળી જાય ત્યાં સુધી મિક્ષ કરો.

      ૫. બીજી કડાઈમાં થોડું તેલ ગરમ કરીને બાદીયા, તજ, લવિંગ, તીખા અને તેજ પત્તાનો વઘાર કરીને વેજ ફ્રાઇડ રાઇસમાં નાંખી દો.

      ૬. ઢાંકી દો અને ૫ મિનિટ સુધી ધીમી આંચ પર પકાવો.

      ૭. લીલી ડુંગળીના ઝીણા સમારેલ પત્તાં અને લીલા ધાણાથી ગાર્નિશ કરીને ગરમા ગરમ પીરસો.

      (વેજ ફ્રાઇડ રાઇસ ની સાથે હોટ એંડ સૌર સૂપ, દહિ, લીલી ડુંગળીનું સલાડ અને છાશ પીરસી શકાઈ છે)



      Blogger Wordpress Gadgets